पुणे : फिनोलेक्स इंडस्ट्रीज संलग्नित मुकुल माधव फाउंडेशनच्या (एमएमएफ) व्यवस्थापकीय विश्वस्त रितू छाब्रिया यांना नुकत्याच दुबई येथे झालेल्या सोहळ्यात ‘एशिया बिजनेस लीडरशिप अॅवॉर्ड’ने सन्मानित करण्यात आले. कॉर्पोरेट सोशल रिस्पॉन्सिबिलिटीच्या माध्यमातून सामाजिक क्षेत्रात केलेल्या उल्लेखनीय कार्याबद्दल त्यांना या प्रतिष्ठित पुरस्काराने सन्मानित करण्यात आले. संयुक्त अरब अमिरातीचे (यूएई) कॅबिनेट सदस्य आणि मिनिस्टर ऑफ टॉलरन्स शेख नाहायन यांच्या हस्ते छाब्रिया यांना हा पुरस्कार प्रदान करण्यात आला. छाब्रिया यांच्यासह देशाच्या विकासात महत्त्वपूर्ण योगदान देणाऱ्या १५ मान्यवरांचा या वेळी सन्मान करण्यात आला.
रितू छाब्रिया यांनी आपल्या भाषणात या पुरस्काराबद्दल ‘एबीएलएफ’चे आभार व्यक्त केले. ‘पुरस्कार निवड समिती आणि सल्लागार मंडळाने केलेल्या या सन्मानाने अधिक जोमाने काम करण्याची प्रेरणा मिळाली आहे. समाजात दीर्घकालीन बदल घडवण्यासाठी आणि या बदलाची परंपरा निर्माण करण्यासाठी, तसेच समाजाच्या वंचित घटकांच्या गरजा पूर्ण करण्यासाठी ‘सीएसआर’ हा अतिशय प्रभावी मार्ग आहे,’ अशी भावना रितू छाब्रिया यांनी व्यक्त केली.
